الحب شىء روحى لايوصف بكلمات

الحب معنى لا يوصف فى كلمات وليس من العدل اقتصاره على حروف بل وليس من الانصاف ان نحتفل به يوم واحد فى السنة

الحب اكبر واعمق من هذا .الحب كيمياء ليس لها تفسير

شئ يحدث بدون ان ندرى وبدون ارداة وبدون ان نجد له اى تفسير

الحب هو إنك تحب إنسان معين لذاته مش لأي حاجة تانية
هو إنك تشوف حبيبك أجمل واحد في الدنيا.. أحلى من كل البشر

الحب هو إنك تخاف عليه

الحب هو إن هو يخاف عليك أكتر ما بتخاف على نفسك

الحب هو إنه يوحشك و هو جنبك
هو إن حبيبك يبقى مالي عينيك
هو إنك تحافظ على كرامة اللي بتحبه وتحط صورته دايما قصاد عينيك

الحب هو إنك تبقى عايز تتغير و تكون أحسن علشانه هو.. لما تبقى ضحكة حبيبك و سعادته عندك أهم من أي حاجة تانية

الحب هو مكالمة تليفون تجيلك في عز مانت مشغول و متضايق و تنسيك تعب الدنيا

الحب هو حد بيقولك كل سنة وانت طيب ليلة عيد ميلادك
هو لما تحس انك قادر تواجه اي مشكلة مادام الشخص ده واقف جنبك

الحب لما تبقى عايز تشوف حبيبك احسن واحد في الدنيا

الحب لما تحس بالامان وانك ماسك الدنيا كلها بايدك

الحب لما تدي للي بتحبه من غير ما يسال

الحب هو انك تغفر لحبيبك
هو انك تسامح

الحب لما تفهم حبيبك من نظرة عينيه.. الحب هو انك تقابل توأم روحك

الحب لما تحس بحبيبك من غير ما يتكلم حتى وهو بعيد عنك

الحب لما متعرفش مين بيحب التاني أكتر

الحب لما تحب واحد بيحبك